इटहरी । करेन्ट लागेर सुनसरीको रामधुनी नगरपालिका-९ का निरज चौधरीको मृत्यु भएको छ ।
बुधबार राती साढे ११ बजे स्थानीय २० बर्षीय निरज चौधरी शौचालय जाने क्रममा अचानक काटिएको विद्युतीय तारमा टेक्न पुग्दा करेन्ट लागि घाईते भएका थिए ।
चौधरीलाइ उपचारको लागि टिचिङ अस्पताल बिराटनगर लगेकोमा उपचारको क्रममा मृत्यु भएको जिल्ला प्रहरी कार्यालय सुनसरीले जनाएको छ । घटना सम्बन्धमा थप अनुसन्धान भईरहेको छ ।
