इटहरी । सुन्दरहरैँचा नगरपालिका ५ बाँसबारीस्थित भित्री पक्की सडकखण्डमा रहेको पुल मुनि एउटा बुलेट मोटरसाइकल र शव फेला परेको छ ।
राती दुर्घटना भएको आशंका गरेको प्रहरीले पुल मुनि प्र १–०२–०५० प ८०८४ नम्बरको बुलेट मोटरसाइकल र एउटा शव फेला पारेको हो । मोटरसाइकल आफैँ अनियन्त्रित भइ दुर्घटना भएको प्रहरी अनुमान छ । मोटरसाइकल नजिकै रहेको शव सुन्दरहरैँचा ५ का अन्दाजी ४५ वर्षीय शिवनाथ आचार्यको रहेको बताइएको छ । उनको घटनास्थलमै मृत्यु भएको प्रहरीले जनाएको छ ।
आज बिहान साढे ५ बजेतिर स्थानीयले मोटरसाइकलसहित नालीमा खसेको देखेपछि प्रहरीमा खबर गरेका थिए । प्रहरीको प्रारम्भिक अनुसन्धान अनुसार आचार्यले मापसे गरी मोटरसाइकल चलाउँदा दुर्घटना भएको हुनसक्ने खुलेको छ ।
घटनाबारे थप अनुसन्धान भइरहेको प्रहरीले जनाएको छ ।
